Dagur aðgengis fyrir alla
https://www.facebook.com/events/152374168591734/
11. mars 2017
“Dagur aðgengis fyrir alla”
Dagurinn er hugsaður sem hvatning fyrir alla hreyfihamlaða til að prófa
eitthvað nýtt, hvort sem það er að fara í bíó, fara á kaffihús, söfn
eða annað sem hugurinn girnist. Einnig er þetta tækifæri fyrir
rekstraraðila að vekja athygli á að þeir mismuni ekki landsmönnum á
grundvelli hreyfihömlunar og auka með því viðskipti sín og jákvæða
umfjöllun.
Atburðurinn hófst í Bretlandi árið 2015 og hefur
síðan breiðst út til annara landa. Rekstraraðilar eru í auknum mæli
farnir að líta á gott aðgengi sem viðskiptatækifæri frekar en “leiðinda”
skyldu sem þurfi að uppfylla samkvæmt lögum.
Við vonum að fyrirtæki um allt land
muni vekja athygli á aðgengi sínu fyrir alla en ekki bara suma. Þau
fyrirtæki sem verða með verða skráð á Facebook viðburðarsíðu dagsins.
Markmið MND með deginum er:
- Að hvetja hreyfihamlað fólk, vini þeirra, fjölskyldur og umönnunaraðila til að reyna eitthvað nýtt.
- Að efla sjálfsöryggi hreyfihamlaðra til að sækja staði og viðburði eins og annað fólk. Rjúfa um leið félagslega einangrun þeirra.
- Að auka vitund um mikilvægi aðgengis hreyfihamlaðra bæði vegna mannréttinda og viðskipta.