Iðjuþjálfi við Sjúkrahúsið á Akureyri

Skráð 21.06.2019

Laus er til umsóknar 60% staða iðjuþjálfa við sjúkrahúsið á Akureyri, tímabundið til 6 mánaða með möguleika á framlengingu.
Staðan er laus frá 1. september 2019 eða eftir samkomulagi.

Við Sjúkrahúsið á Akureyri fer iðjuþjálfun fram á tveimur starfsstöðvum: í aðalbyggingu en þar er iðjuþjálfun tengd bráðadeildum og við Kristnesspítala við endurhæfingar- og öldrunarlækningadeild. Helstu verkefni iðjuþjálfa á bráðadeildum eru mat og þjálfun í athöfnum daglegs lífs, fjölskyldufundir, mat á þörf fyrir hjálpartæki og útvegun þeirra, heimilisathuganir fyrir útskrift og eftirfylgd. Iðjuþjálfi heldur fræðslu fyrir starfsfólk sjúkrahússins og sinnir beiðnum m.a. um mat og ráðgjöf á vinnuaðstöðu.

Næsti yfirmaður er Linda Aðalsteinsdóttir, yfiriðjuþjálfi.

Helstu verkefni og ábyrgð
Staðan er fjölbreytt og gefur tækifæri til að takast á við margbreytileg og spennandi verkefni ásamt því að hafa áhrif á áframhaldandi uppbyggingu iðjuþjálfunar á bráðadeildum. Í gildi er starfssamningur milli SAk og Háskólans á Akureyri um kennslu, rannsóknir og endurmenntun. Verkleg kennsla nema í iðjuþjálfun fer fram á Sjúkrahúsinu á Akureyri.

Hæfnikröfur
Umsækjendur þurfa að hafa BSc. próf í iðjuþjálfun og löggildingu til þess að starfa sem slíkur. Umsækjendur þurfa að búa yfir góðri hæfni til mannlegra samskipta og hafa hæfileika til að starfa sjálfstætt.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsóknum skal skilað rafrænt á vef sjúkrahússins www.sak.is

Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi.

Öllum umsóknum verður svarað þegar ákvörðun um ráðningu hefur verið tekin.

Gildi Sjúkrahússins á Akureyri eru: ÖRYGGI SAMVINNA FRAMSÆKNI.

Við ráðningar í störf er tekið mið af jafnréttisstefnu sjúkrahússins, sem er reyklaus

Starfshlutfall er 60%
Umsóknarfrestur er til og með 08.07.2019
Nánari upplýsingar veitir
Linda Aðalsteinsdóttir - la0911@fsa.is - 463-0100

...

Til baka Senda grein