Iðjuþjálfi - fjölbreytt starf á bráðadeildum í Fossvogi

24.11.2021

Viltu öðlast víðtæka þekkingu innan fagsins!
Iðjuþjálfun vill ráða til starfa í afleysingu í eitt ár öflugan liðsmann sem hefur áhuga á fjölbreyttu og líflegu starfi á Landspítala. Starfshlutfall er 100% eða eftir samkomulagi og unnið er í dagvinnu. Æskilegt að umsækjendur geti hafið störf sem fyrst eða eftir nánara samkomulagi.

Á bráðadeildum sinna iðjuþjálfar sjúklingum sem eiga erfitt með athafnir daglegs lífs eftir slys og veikindi. Vinnan sem fellst í mati á færni, þjálfun og ráðgjöf fer fram á legudeildum og dag- og göngudeildum spítalans. Í boði er fjölbreytt og líflegt starf og tækifæri til að öðlast víðtæka þekkingu innan fagsins. Auk þess eru góðir sí- og endurmenntunar möguleikar.

Vinnuvika starfsfólks í fullri vinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð
» Ábyrgð á þeirri iðjuþjálfun sem hann veitir og mat á árangri meðferðar
» Skráning og skýrslugerð
» Fræðsla og skipulagning starfa aðstoðarfólks iðjuþjálfa á deild/um
» Fræðsla til sjúklinga og aðstandenda
» Þátttaka í þverfaglegu samstarfi/teymi
» Þátttaka í fagþróun

Hæfnikröfur
» Íslenskt starfsleyfi sem iðjuþjálfi 
» Hæfni í mannlegum samskiptum og jákvætt viðhorf
» Skipulagshæfni, frumkvæði og sjálfstæði í vinnubrögðum
 » Íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Sjá nánari upplýsingar um starfstöðvar Iðjuþjálfunar
Starfshlutfall er 100% eða eftir samkomulagi
Umsóknarfrestur er til og með 29. nóvember 2021

Nánari upplýsingar veitir
Sigrún Garðarsdóttir – sigrgard@landspitali.is – 543 9108 / 825 5072

Landspítali
Iðjuþjálfun
Hringbraut
101 Reykjavík

Til baka Senda grein