Okkar heimur - heilbrigðisstarfsmaður óskast
05.05.2025
Okkar heimur óskar eftir öflugum og metnaðarfullum heilbrigðisstarfsmanni í fullt starf í tímabundna ráðningu vegna afleysingar fyrir fæðingarorlof, með möguleika á áframhaldandi starfi. Vinnutími er sveiganlegur. Okkar heimur starfar í þágu barna sem eiga foreldra sem glíma við geðræn veikindi og miðar allt okkar starf að því að bæta stöðu þessa hóps barna hér á landi. Um er að ræða fjölskylduvænt og fjölbreytt starf með áherslu á stuðning og fræðslu fyrir börn og fjölskyldur.
Við leitum að:
Félagsráðgjafa, iðjuþjálfa, fjölskyldufræðingi, sálfræðingi eða hjúkrunarfræðingi með áhuga á að vinna faglegt og skapandi starf með börnum og fjölskyldum.
Starfshlutfall: 100%
Ráðningartímabil: 12 mánuðir, með möguleika á framlengingu
Upphaf starfs: September 2025
Helstu verkefni og ábyrgð
- Fagleg umsjón með fjölskyldusmiðjum Okkar heims og stuðningshóp fyrir ungmenni
- Starf með fjölskyldum og faglegt samstarf við stofnanir og aðra hagsmunaaðila
- Þátttaka í þróun og eflingu þjónustu við markhóp samtakanna
- Þátttaka í fræðslustarfi og uppbyggingu fræðsluverkefna fyrir skóla, fagfólk og aðra hagsmunaaðila
Menntunar- og hæfniskröfur
- Viðeigandi menntun og starfsréttindi
- Reynsla af vinnu með börnum og/eða fjölskyldum
- Metnaður, frumkvæði, skipulagshæfni og sveiganleiki í starf
- Framúrskarandi hæfni í mannlegum samskiptum og jákvætt viðmót
- Hreint sakavottorð
Umsóknarfrestur er til og með 26. maí 2025
Nánari upplýsingar veitir: Sigríður Gísladóttir, framkvæmdstjóri: sigridur@okkarheimur.is eða í síma: 556-6900.