Sóltún Heilsusetur
20.02.2025
Sóltún Heilsusetur á Sólvangi í Hafnarfirði leitar eftir Iðjuþjálfa í dagvinnu á 39 rýma endurhæfingardeild fyrir aldraða. Um er að ræða deild, þar sem fólk dvelur í 4-6 vikur í senn með það að markmiði að efla virkni í daglegu lífi og efla þannig getu þeirra til sjálfstæðrar búsetu á eigin heimili.
Við leitum að iðjuþjálfa með jákvætt viðmót og faglegan metnað, sem hefur áhuga á þátttöku í faglegri framþróun. Viðkomandi þarf að geta unnið sjálfstætt og í teymi. Skilyrði er að viðkomandi hafi góða íslenskukunnáttu og löggilt starfsleyfi iðjuþjálfa.
Vinnufyrirkomulag og starfshlutfall er samkomulagsatriði.
Helstu verkefni og ábyrgð
-
Iðjuþjálfun með það að markmiði að auka lífsgæði, sjálfsbjargargetu og virkja athafnaþrá dvalargesta á heilsusetri
-
Mat við endurhæfingu
-
Ráðgjöf og fræðsla til dvalargesta
-
Þverfagleg teymisvinna
Menntunar- og hæfniskröfur
-
Löggilt starfsleyfi iðjuþjálfa
-
Framúrskarandi samskiptahæfileikar
-
Frumkvæði og sjálfstæði í vinnubrögðum
Nánari upplýsingar veita:
Alma Rún Vignisdóttir, deildarstjóri Heilsuseturs; alma@soltun.is
Sólvangur
Innan Sólvangs er nú þegar 71 hjúkrunarrými, 12 manna sérhæfð dagþjálfunardeild, 14 manna dagdvöl og Sóltún Heima (alhliða heimaþjónusta).
Við höfum á að skipa öflugum hópi starfsmanna, með mikinn metnað fyrir lífsgæðum og vellíðan þeirra sem hjá okkur dvelja.
Sólvangur er rekinn af Sóltúni öldrunarþjónustu ehf.