Að tilheyra sjálfum sér
Námskeið haldið 8 - 9 október í samstarfi við Grænuhlíð fjölskyldumiðstöð og Iðjuþjálfafélag Íslands. Það er ætlað fagfólki í heilbrigðis- og menntakerfinu sem vill dýpka skilning á hvernig áföll hafa áhrif á streitu, tengsl og þroska taugakerfisins og hvernig birtist það í færni, hegðun og þátttöku í daglegu lífi. Þetta tveggja daga námskeið veitir djúpstæða og hagnýta innsýn í áfalla- og tengslamiðaða nálgun með sérstakri áherslu á iðjuþjálfun. Námskeiðið styður fagfólk í að vinna með meira öryggi, næmni og skýrleika með skjólstæðingum á öllum æviskeiðum. Áhersla er lögð á taugakerfið, skynúrvinnslu, tengslamyndun og daglega iðju, ásamt verkfærum sem nýtast á starfsvettvangi.
Námskeiðið er haldið dagana 8 - 9 október frá 09:00 - 12:00 og 13:00 - 16:00 báða dagana
Efnistök námskeiðs eru:
-Mikilvægi fyrstu áranna og þroska miðtaugakerfisins
-Áhrif streitu og áfalla á tengsl og færni í daglegu lífi
-Taugakerfið með sérstaka áherslu á skynúrvinnslu.
-Yfirfærsla og hagnýt verkfæri á mismunandi æviskeiðum
Grænahlíð fjölskyldumiðstöð / FjarkennslaSkráning á námskeið: https://forms.gle/d2kFLtn7atZ9iUAG6
ATH. Aðeins 20 pláss í boði í Grænuhlíð Fjölskyldumiðstöð á hverju námskeiði.Kaffihlé í báðum vinnulotum er innifalið í verði. ATH hádegismatur er ekki innifalin
Snemmskráningargjald er kr. 79.900 til 3. september 2026. Leiðbeinendur námskeiðs eru Alda Pálsdóttir og Harpa Ýr Karínardóttir, iðjuþjálfar í Grænuhlíð fjölskyldumiðstöð