Skjól hjúkrunarheimili og Maríuhús dagþjálfun

08.10.2024

Iðjuþjálfi óskast á hjúkrunarheimilið Skjól og Maríuhús dagþjálfun.

Um er að ræða nýja stöðu iðjuþjálfa sem mun sinna bæði íbúum á Hjúkrunarheimilinu Skjóli, Laugaskjóli og skjólstæðingum í Maríuhúsi sem staðsett er á Skjóli.

Á Hjúkrunarheimilinu Skjóli og Laugaskjóli eru samtals 106 íbúar og er markmið iðjuþjálfunar að veita einstaklingsmiðaða þjónustu sem stuðlar að tækifærum til þátttöku í þeirri iðju sem hefur þýðingu fyrir þá og veitir þeim lífsfyllingu.

Maríuhús er sérhæfð dagþjálfun fyrir fólk með heilabilunarsjúkdóma þar sem veitt er bæði andlega og líkamleg örvun sem hefur jákvæð áhrif á getu og líðan þeirra sem sækja deildina.

Starfshlutfall er 50-100%

Helstu verkefni og ábyrgð

• Meta, skrá og undirbúa íhlutunaráætlun
• Skráning og skýrslugerð
• Þjónusta við íbúa heimilisdeilda og skjólstæðinga Maríuhús
• Einstaklings- og hópþjálfun.
• Meta þörf fyrir og sækja um hjálpartæki
• Fræðsla og ráðgjöf fyrir heimilismenn/skjólstæðinga, aðstandendur og starfsfólk.
• Þátttaka í þverfaglegu teymi
• Þátttaka í fagþróun
• Heimilisathuganir

Menntunar- og hæfniskröfur

• Íslenskt starfsleyfi sem iðjuþjálfi
• Faglegur metnaður og ábyrgð í starfi
• Áhugi á þróun og uppbygginu faglegs starfs
• Jákvætt viðmót og sveigjanleiki í samskiptum
• Frumkvæði, sjálfstæði og skipulagshæfni
• Góð íslenskukunnátta er skilyrði.

Bjóðum upp á:

• Skemmtileg, fjölbreytt og krefjandi verkefni.
• 36 stunda vinnuviku.
• Íþróttastyrkur og öflugt starfsmannafélag

Umsóknarfrestur:
Umsóknarfrestur er til og með 23.október 2024 og hvetjum við öll áhugasöm sem uppfylla ofangreindar hæfnikröfur til að sækja um starfið. Umsókn fylgi náms- og starfsferilsskrá ásamt afriti af prófskírteinum og starfsleyfi. Öllum umsóknum verður svarað.

Nánari upplýsingar veitir:
Guðrún Ása Eysteinsdóttir yfiriðjuþjálfi, gudrunasa@eir.is

Hlökkum til að heyra frá þér!

Eir, Hamrar og Skjól hjúkrunarheimili hafa hlotið jafnlaunavottun í samræmi við kröfur staðalsins ÍST 85.