Fréttir
Brautskráning iðjuþjálfa 2023
Háskólahátið Háskólans á Akureyri var haldin með pompi og pragt síðastliðinn föstudag en þá voru nemendur úr framhaldsnámi brautskráðir. Alls brautskráðust sjö kandídatar úr starfsréttindanámi í iðjuþjálfun og einn iðjuþjálfi úr meistaranámi í heilbrigðisvísindum. Iðjuþjálfafélag Íslands bauð nemendum, kennurum og leiðbeinendum fyrir norðan til móttöku að athöfn lokinni.Móttakan var haldin í verklegri stofu iðjuþjálfunardeildar J210 og sannur iðjuþjálfunarandi sveif yfir vötnum. Félagið færði nemendum bókina Ósýnilegar konur, vatnsflösku merkta félaginu og rauða rós í tilefni dagsins.
Við óskum nýútskrifuðum iðjuþjálfum innilega til hamingju með áfangann og bjóðum þær velkomnar í Iðjuþjálfafélag Íslands!