Fréttir
Framboðsnefnd BHM auglýsir
Tilkynning framboðsnefndar er eftirfarandi:
Framboðsnefnd BHM hefur það hlutverk samkvæmt lögum bandalagsins að auglýsa eftir frambjóðendum í trúnaðarstörf innan þess. Framboðsnefnd leitar nú til aðildarfélaga bandalagsins eftir tilnefningum í eftirtalin embætti. Áhugasömu félagsfólki er bent á að hafa samband við sitt aðildarfélag fyrir 15. febrúar næstkomandi.
Kosning formanns BHM
Formaður BHM verður kosinn í rafrænni kosningu meðal fulltrúa á aðalfundi bandalagsins sem haldinn verður 27. maí 2021. Kosningin hefst tveimur vikum fyrir aðalfund og lýkur tveimur dögum fyrir fundinn. Kjörtímabil formanns er tvö ár.
Kosningar á aðalfundi BHM
Kosið verður í eftirtaldar stöður á aðalfundinum 27. maí:
- Stjórn BHM: Tveir aðalmenn í stjórn BHM til tveggja ára og tveir varamenn til eins árs.
- Kjara- og réttindanefnd: Tveir aðalmenn og tveir varamenn til tveggja ára.
- Jafnréttisnefnd: Tveir aðalmenn og einn varamaður til tveggja ára.
- Framboðsnefnd: Fimm aðalmenn og tveir varamenn til eins árs.
- Stjórn Starfsmenntunarsjóðs: Einn stjórnarmaður til tveggja ára.
Kosningar á fulltrúaráðsfundum sjóða eða fundi formannaráðs BHM
Kosið verður í eftirtaldar stöður á fulltrúaráðsfundum sjóða eða á fundi formannaráðs BHM:
- Stjórn Orlofssjóðs: Formaður, varaformaður, þrír meðstjórnendur og tveir varamenn, tveir skoðunarmenn reikninga og tveir varamenn. Kosið er í þessar stöður á fulltrúaráðsfundi sjóðsins til tveggja ára.
- Stjórn Styrktarsjóðs: Formaður, varaformaður, þrír meðstjórnendur og tveir varamenn, tveir skoðunarmenn reikninga og tveir varamenn. Kosið er í þessar stöður á fulltrúaráðsfundi sjóðsins til tveggja ára.
- Stjórn Sjúkrasjóðs: Formannaráð BHM kýs tvo stjórnarmenn samkvæmt tilnefningum aðildarfélaga.
Framboðsnefnd BHM
(af: www.bhm.is)