Iðjuþjálfi óskast! - fjölbreytt starf í þunglyndis- og kvíðateymi Landspítala
Viltu öðlast víðtæka
þekkingu innan fagsins?
Iðjuþjálfun vill ráða til starfa öflugan liðsmann sem hefur áhuga á fjölbreyttu
og líflegu starfi í þunglyndis- og kvíðateymi Landspítala. Við bjóðum jafnt
velkominn reynslubolta sem og nýútskrifaðan iðjuþjálfa í okkar góða hóp því við
teljum gott að hafa breidd í þekkingu og reynslu.
Þunglyndis- og kvíðateymið er þverfaglegt teymi sem veitir sérhæfða meðferð við
alvarlegu þunglyndi og kvíðaröskunum. Iðjuþjálfi sinnir greiningarvinnu, metur
færni og veitir færniþjálfun og ráðgjöf. Ráðrúm er fyrir frekari þróun í
teyminu og því spennandi tækifæri fyrir fagfólk að starfa í því.
Starfshlutfall er 80-100% eða eftir samkomulagi. Um dagvinnu er að ræða með
möguleika á vaktavinnu. Æskilegt að umsækjendur geti hafið störf sem fyrst eða
eftir nánara samkomulagi.
Helstu verkefni og ábyrgð
» Ábyrgð á þeirri
iðjuþjálfun sem hann veitir og mat á árangri meðferðar
» Skráning og skýrslugerð
» Fræðsla og skipulagning starfa aðstoðarfólks iðjuþjálfa á deild/um
» Fræðsla til sjúklinga og aðstandenda
» Þátttaka í þverfaglegu samstarfi/teymi
» Þátttaka í fagþróun
Hæfnikröfur
» Bs próf í iðjuþjálfun eða
sambærilegt próf
» Hæfni í mannlegum samskiptum og jákvætt viðhorf
» Skipulagshæfni, frumkvæði og sjálfstæði í vinnubrögðum
» Íslenskt starfsleyfi sem iðjuþjálfi
Frekari upplýsingar um
starfið
Laun samkvæmt gildandi
kjarasamningi sem fjármála- og efnahagsráðherra og Iðjuþjálfafélag Íslands hafa
gert.
Tekið er mið af jafnréttisstefnu Landspítala við ráðningar á spítalanum og eru
karlar jafnt sem konur hvött til að sækja um.
Umsókn fylgi náms- og starfsferilskrá ásamt afriti af prófskírteinum og
starfsleyfi. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr.
reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem hátt í 6000 manns
starfa í þverfaglegum teymum og samstarfi ólíkra fagstétta. Framtíðarsýn
Landspítala er að vera háskólasjúkrahús í fremstu röð þar sem sjúklingurinn er
ávallt í öndvegi. Lykiláherslur í stefnu spítalans eru öryggismenning, skilvirk
og vönduð þjónusta, uppbygging mannauðs og stöðugar umbætur.
Sjá
nánari upplýsingar um starfstöðvar Iðjuþjálfunar
Starfshlutfall er 80 - 100%
Umsóknarfrestur er til og með 30.01.2020
Nánari upplýsingar veitir
Sigrún Garðarsdóttir - sigrgard@landspitali.is - 543 9108/ 825 5072