Kjörnefnd IÞÍ 2021 framlengir framboðsfrest!
Viltu hafa áhrif? - nú er tækifæri!
Á hverju ári sameina fjölmargir iðjuþjálfar krafta sína og taka að sér trúnaðarstörf í þágu félagsins og fyrir það erum við afar þakklát. Starfsemi og framþróun IÞÍ byggir á þátttöku félagsfólks. Þú getur haft áhrif með því að bjóða þig fram.
Vertu með og láttu í þér heyra – þín rödd skiptir máli!
Kosið verður og skipað í stjórnir og nefndir á aðalfundi IÞÍ þann 12. mars næstkomandi. Kjörtímabil er tvö ár nema annað sé tekið fram. Helstu upplýsingar um hlutverk og störf nefnda má finna í handbók félagsins á innri vef heimasíðunnar (www.ii.is) eða hjá formanni (thoraleo@bhm.is).
Eftirtalin sæti eru laus:
· Stjórn IÞÍ: Tveir aðalmenn og einn varamaður
· Kjaranefnd: Fjórir aðalfulltrúar, tveir varafulltrúar
· Fræðslu- og kynningarnefnd: Fjórir aðalfulltrúar
· Ritnefnd: Þrír fulltrúar
· Fræðileg ritstjórn Iðjuþjálfans: Einn fulltrúi
· Fulltrúi IÞÍ í Öldrunarráði Íslands: Einn varafulltrúi
· Siðanefnd: Tveir aðalfulltrúar, tveir varafulltrúar
· Stjórn Fræðslusjóðs: Einn fulltrúi til þriggja ára
Áhugasamir eru beðnir um að hafa samband við undirritaða á netfangið annaerl@landspitali.is fyrir 25. febrúar næstkomandi.
Bestu kveðjur,
Anna Ingileif Erlendsdóttir, kjörnefnd IÞÍ 2021