Laus staða - formaður iðjuþjálfafélagsins
Kæru félagsmenn,
Staða formanns IÞÍ er laus og hefur stjórn félagsins tekið þá ákvörðun að staða formanns verði full staða í fyrsta skipti síðan félagið var stofnað árið 1976 (80-100% starf eftir samkomulagi). Mun formaður stjórnar jafnframt verða formaður kjaranefndar, en hingað til hafa tveir aðilar séð um sín hvora stöðuna. Þeir sem hafa áhuga á að bjóða sig fram eru beðnir um að hafa samband við Margréti framkvæmdastjóra SIGL – netfang sigl@bhm.is
Frambjóðendur fá tækifæri til að kynna sig fyrir félagsmönnum á tímabilinu 21 .janúar – 1.febrúar. Það mun að því loknu fara fram rafræn kosning fyrir alla félagsmenn dagana 4.- 8. febrúar, að því gefnu að það verði tveir eða fleiri sem bjóða sig fram. Allir félagsmenn með kosningarétt fá þá sendan póst með frekari upplýsingum þegar nær dregur. 8. mars 2019 verður svo haldinn aðalfundur IÞÍ og þá mun nýr formaður taka við en núverandi formaður mun vera nýjum formanni innan handar í 6 mánuði.
Menntunar og hæfniskröfur:
Próf úr iðjuþjálfunarfræði frá viðurkenndum skóla (BSc eða sambærilegt próf í iðjuþjálfun) og starfsleyfi frá Landlækni
Reynsla og þekking á starfi iðjuþjálfa
Faglegur metnaður og frumkvæði í starfi
Góðir samskiptahæfileikar og jákvæðni
Reynsla og/eða þekking af stjórnun
Góðir skipulagshæfileikar
Enskukunnátta mikilvæg í ræðu og riti
Norðurlandamáls kunnátta kostur
Reynsla af kjaramálum kostur
Helstu verkefni og ábyrgðarsvið:
Vera talsmaður iðjuþjálfa, svara fyrirspurnum og koma málum í farveg
Ber ábyrgð á innra starfi og er tengiliður við allar nefndir félagsins
Ber ábyrgð á kjaramálum og tekur þátt í kjaraviðræðum ásamt kjaranefnd og stjórn félagsins
Ber ábyrgð á samskiptum við innlenda og erlenda hagsmunaaðila, sem dæmi BHM, Velferðarráðuneytið, Landlæknir, Háskólinn á Akureyri, Félög iðjuþjálfa á Norðurlöndum, Evrópusamtök iðjuþjálfa COTEC og alþjóðasamtök iðjuþjálfa WFOT
Reglulegir fundir eru með stjórn og kjaranefnd, einnig eru reglulegir fundir með SIGL og formannaráði BHM. Erlendir fundir eru 2-3 x á ári.
Auk þess eru ýmsir viðburðir eins og aðalfundur, málþing, fyrirlestrar og fleiri viðburðir fyrir félagsmenn yfir árið.
Síðasta tækifæri til að bjóða sig fram er 20.janúar 2019.
Frekari upplýsingar um starfið gefur Ósk Sigurðardóttir formaður IÞÍ