Samningar náðust við ríkið
Skrifað var undir nýtt samkomulag við samninganefnd ríkisins
(SNR) á hádegi í gær fyrir hönd IÞÍ, með fyrirvara um samþykki félagsmanna.
Tæplega 90 iðjuþjálfar starfa hjá stofnunum ríkisins. Samningaviðræður þeirra
aðildarfélaga sem voru í samfloti svokölluðu BHM-11 höfðu staðið yfir í heilt
ár en kjarasamningarnir voru lausir 1. apríl í fyrra. Staðan var orðin mjög
þröng og það var niðurstaða samninganefndar IÞÍ að réttast væri að setja
kjarasamninginn í atkvæðagreiðslu til félagsmanna því sýnt væri að ekki yrði
lengra komist.
Gildistími samningsins er frá 1. apríl 2019 – 31. mars 2023. Atkvæðisbærir félagsmenn munu fá öll gögn (samning og kynningarefni) send í tölvupósti innan skamms auk leiðbeininga um rafræna kosningu. Brýnt er að netföng allra séu í lagi og virk þannig að við biðjum ykkur sem við á um að tilkynna Fjólu á sigl@bhm.is um breytingar.
Hlýjar kveðjur og farið varlega
Þóra Leósdóttir, formaður