Viltu hafa áhrif? Nú er tækifæri!
Iðjuþjálfafélag Íslands leitar að fulltrúum til að sitja í stjórnum og nefndum félagsins!
Kæri félagsmaður!
Á hverju ári sameina fjölmargir iðjuþjálfar krafta sína og taka að sér trúnaðarstörf í þágu félagsins og fyrir það erum við þakklát. Starfsemi og framþróun IÞÍ byggir á þátttöku iðjuþjálfa í starfi þess. Þú getur haft áhrif með því að bjóða fram krafta þína. Vertu með og láttu í þér heyra – þín rödd skiptir máli!
Kosið verður í stjórn og nefndir á aðalfundi IÞÍ þann 13. mars næstkomandi. Helstu upplýsingar um hlutverk og störf nefnda má finna í handbók félagsins á innri vef heimasíðunnar (www.ii.is). Hvetjum áhugasama til að kynna sér hlutverk nefnda og lengd kjörtímabila í hverri nefnd. Í handbókinni er einnig yfirlit yfir greiðslur fyrir störf í þágu félagsins.
Óskað er eftir framboðum í eftirtalin sæti:
- Stjórn: Tveir aðalmenn og einn varamaður
- Kjaranefnd: Tveir aðalmenn
- Fræðslu- og kynningarnefnd: Einn aðalmaður og þrír aðalmenn fyrir Norður- og Austurland.
- Ritnefnd: Tveir nefndarmenn
- Öldrunarráð Íslands: Aðalfulltrúi
- Siðanefnd (skipað til tveggja ára): Þrír aðalmenn og einn varamaður
- Stjórn fræðslusjóðs (skipað til þriggja ára): Tveir fulltrúar
- WFOT: Einn fulltrúi
- Skoðunarmenn reikninga: Tveir fulltrúar
Vinsamlegast tilkynnið framboð ásamt stuttri kynningu, s.s. vinnustað og útskriftarár
eigi síðar en 24. febrúar á helgakristin@greining.is
Bestu kveðjur frá kjörnefnd Iðjuþjálfafélags Íslands árið 2020
Aníta Stefánsdóttir, Auður Hafsteinsdóttir og Helga Kristín Gestsdóttir