Iðjuþjálfun á taugasviði

Faghópur um iðjuþjálfun fólks með skerta taugastarfsemi var stofnaður mánudaginn 27. apríl, 2009. Á fyrsta fundinum voru rædd markmið hópsins og væntingar fundarmanna til samstarfsins.

Helstu markmið faghópsins eru:

• Viðhalda og efla þekkingu og færni iðjuþjálfa sem starfa með fólki með iðjuvanda vegna skertrar taugastarfsemi.
• Gagnkvæm upplýsingamiðlun og skoðanaskipti, þannig að allir leggi eitthvað af mörkum og græði á samstarfinu.
• Vekja athygli á nýrri þekkingu.
  
• Hvetja til umræðu um áherslur í þjónustu iðjuþjálfa við þennan skjólstæðingshóp.

Tengiliðir hópsins eru Erica do Carmo Ólason, Sigrún Garðarsdóttir og Valerie Harris. Þeir sem hafa áhuga á að skrá sig í faghópinn eða vilja fræðast nánar um starfið geta haft samband við þær.