Sjóðir og styrkir

Iðjuþjálfafélag Íslands (IÞÍ) er aðildarfélag í Bandalagi háskólamanna (BHM).  Á vegum bandalagsins eða í tengslum við það, eru starfandi nokkrir sjóðir sem félagar í IÞÍ geta sótt í.

Orlofssjóður BHM - hefur það markmið að auðvelda sjóðsfélögum að njóta orlofs. 

Sjúkrasjóður BHM - er opinn félagsfólki aðildarfélaga sem starfar á almennum vinnumarkaði. Hlutverk sjóðsins er að veita fjárhagsaðstoð samkvæmt reglum sjóðsins.

Styrktarsjóður BHM - er fyrir starfsfólk á opinberum vinnumarkaði, það er hjá ríki, sveitarfélögum og tilteknum sjálfseignarstofnunum. Hlutverk sjóðsins er að veita fjárhagsaðstoð samkvæmt reglum sjóðsins.

Starfsmenntunarsjóður BHM var stofnaður með samkomulagi BHM og ríksins 5. september 1980. Flest háskólafólk sem starfar hjá hinu opinbera eiga aðild að STRIB.

Starfsþróunarsetur háskólamanna hefur það markmið að stuðla að framgangi félagsfólks aðildarfélaga BHM og framþróun stofnana með markvissri starfsþróun. 

Aðrir sjóðir

Vinnudeilusjóður BHM hefur sérstaka reglugerð og sjálfstæða 3ja manna stjórn. Vinnudeilusjóður BHM er fyrst og fremst styrktarsjóður fyrir vinnudeilusjóði einstakra aðildarfélaga BHM og tekur á móti framlögum í því skyni. Hlutverk hans er einnig að styrkja önnur launþegasamtök og stéttarfélög í kjarabaráttu þeirra.