Iðjuþjálfi óskast til starfa í iðju- og dagþjálfun

12.02.2026

Heilsuvernd Hjúkrunarheimili óska eftir að ráða iðjuþjálfa í 80%-100% starfshlutfall í dagvinnu í iðju- og dagþjálfun á Hlíð. Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en vill um leið vera hluti af sterku teymi.

Heilsuvernd Hjúkrunarheimili rekur tvenn hjúkrunarheimili á Akureyri. Hjá Heilsuvernd Hjúkrunarheimilum fer fram fjölbreytt og áhugaverð starfsemi í öldrunarþjónustu sem er í stöðugri þróun. Unnið er eftir Eden hugmyndafræðinni með áherslu á sjálfstæði, góðan heimilisbrag og lífsgæði íbúanna.

Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi þjónustu.

Við leggjum áherslu á jákvæðni og góð samskipti, lipurð í þjónustu og einlægan áhuga á starfi í þjónustu við aldraða.

Helstu verkefni og ábyrgð

• Tekur þátt í umönnun og þjálfun skjólstæðinga
• Skipuleggur og tekur þátt í iðju skjólstæðinga í samvinnu við starfsfólk
• Nýtir viðeigandi matstæki, gerir færnimat og skipuleggur íhlutunaráætlun fyrir notendur
• Stuðlar að og viðheldur sjálfræði og sjálfstæði notenda og eflir þá til sjálfshjálpar
• Veitir ráðgjöf, fræðslu og þjálfun á hjálpartæki til skjólstæðinga og starfsfólks

Menntunar- og hæfniskröfur

• Háskólapróf í iðjuþjálfun og starfsleyfi
• Reynsla af starfi með öldruðum er æskileg
• Jákvætt viðhorf og hæfni í mannlegum samskiptum
• Frumkvæði, jákvæðni og samstarfsvilji
• Góð samskipta- og skipulagshæfni
• Almenn tölvukunnátta.
• Góð íslenskukunnátta, bæði talað og skrifað mál

Umsóknarfrestur er til og með 22. febrúar 2026.

Umsóknum skal fylgja ferilskrá og kynningarbréf. Öllum umsóknum verður svarað. Ráðið er í starfið óháð kyni. Í teyminu starfar öflugur hópur með fjölbreytta reynslu þar sem rík áhersla er lögð á uppbyggilegt samstarf og jákvæðan starfsanda. Nánari upplýsingar veitir Harpa Dögg Sigurðardóttir, forstöðumaður iðju- og dagþjálfunar (harpadogg@hlid.is) og Jóhanna Margrét Gunnarsdóttir, deildarstjóri iðju- og dagþjálfunar (johannamg@hlid.is).