Fyrir skömmu varði Olga Ásrún Stefánsdóttir, iðjuþjálfi og aðjúnkt við Iðjuþjálfunarfræðideild HA doktorsrannsókn sína.  Vörnin fór fram í Bergen í Noregi, nánar tiltekið við Norway University of Applied Sciences og var hægt að fylgjast með í streymi

Alþjóðlegur dagur iðjuþjálfunar er þann 27. október ár hvert. Iðjuþjálfar um allan heim nýta tækifærið til að fagna faginu og kynna störf sín. Iðjuþjálfar hér á landi eru á fimmta hundrað, flest starfa á höfuðborgarsvæðinu og Norðurlandi. Þema alþjóðlega dagsins er „Iðjuþjálfun í verki.“

Iðjuþjálfun er vaxandi faggrein um allan heim og viðfangsefnin fjölbreytt. Leiðarljós í starfinu er ávallt að standa vörð um og efla iðju, þátttöku, heilbrigði og velferð einstaklinga, hópa og samfélaga. Iðjuþjálfar eru löggild heilbrigðisstétt með fjögurra ára háskólamenntun að baki og starfsleyfi frá Embætti landlæknis

Samkvæmt hefðinni stendur fræðslunefnd IÞÍ fyrir málþingi í samstarfi við stjórn félagsins í tilefni af alþjóðlegum degi iðjuþjálfunar. Yfirskriftin í ár er „Iðjuþjálfun í verki“ og hefst viðburðurinn kl. 15:00 í Borgartúni 27, 2. hæð